ITALIA PAESE DEI BALOCCHI

8 08 2013

Allegato di posta elettronica

 

 

Atenti (e atente!) politicanti italiani (e italiane!), noi anderemo fino in
fondo con MEZI ESCLUSIVAMENTE LEGALI. Ma no stè a sotovalutar la
vostra posizion.
Alla fine voi stessi poderè esser ritegnudi personalmente responsabili non dala magistratura italiana (povera!) che no conta gnente, ma DA ENTITA’ GIURIDICHE INTERNAZIONALI ……(relative al’ONU).
NISSUN VE DIFENDERA’ ALORA!
Rifletè su quei due poveri cristi pugliesi che i vostri compari politicanti de Roma ga abandonà in India da oramai un ano!… (E la magistratura italiana ga ‘verto un fascicolo!…. Per farghe ciapar aria, forsi…).

Tentar de meter la question del Teritorio libero de Trieste davanti a un fato compiuto (con un giogheto a Bruxelles sul rigassificator) poderìa costarve assai, ma assai caro A LIVELO PERSONALE!
E NISSUN VE DIFENDERA’! E coi organi dela comunità internazionale
no se scherza. (No xe tuto un “ciò mi, ciò ti” come se’ abituai qua nei meandri del politicume locale, che se’ tuti dacordo sottobanco! Sporcaccioni!)
E infine ai cinque sindaci del teritorio de Trieste! Tanti vostri concitadini aspèta ancora la vostra risposta ala letera che el Movimento ve ga mandado due mesi fa. Xe questo el rispeto che gavè verso una parte dei vostri aministrati? “Compagni” o “camerati”, italiani, SE’ TUTI UGUALI! (Spero che questo, i triestini TUTI lo gabi ala
fine capìdo! Cussì come che spero che i istriani che vivi nel Teritorio lo gabi ala fine capìdo anche lori! Meiio tardi che mai! NO PODÈ’ PIU’ ‘SPETARVE GNENTE DE LORI! )
I disi a Roma “non c’è più ciccia pei gatti” , perchè i ga zà magnà tuto lori! E per questo i zerca de rimediar qualche avanzo da ditte spagnole, naturalmente a spese nostre.
“Compagni” o “camerati” I XE LA STESSA ROBA!
VERZE’ I OCI, ELETORI DELA ZONA A DEL TERITORIO LIBERO DE TRIESTE!
Mai più no doveremo andar a votar fina che no sarà riativado el STATUS del Teritorio Libero de Trieste.
Perciò digo ancora una volta: TRIESTINI SVEIIA!
TUTI INSIEME! UNITI! AVANTI! L’Obietivo xe ragiungibile ma
DIPENDI DA NOI!


Azioni

Information




%d blogger cliccano Mi Piace per questo: